“Birbaşa Bakı” minifutbol üzrə Çempionlar Liqasında ikinci matçını keçirib. Azərbaycan təmsilçisi E qrupunda Macarıstanın “Çikaqo Bandur” klubunu 3:0 məğlub edib. Günün ikinci oyununda isə “Birbaşa Bakı” Slovakiyanın “Real Koxoliks” klubunu 2-0 hesabı ilə məğlubiyyətə uğradıb. “Zirə” də G qrupunda Çexiya təmsilçisi “Hanspaulka”ya 2:0 qalib gəlib. Ölkə çempionu ilk görüşündə Bosniya və Herseqovina təmsilçisi “Krayina” ilə heç-heçə etmişdi – 1:1. Bu oyunlardan sonra “Birbaşa Bakı” qrup lideri kimi növbəti mərhələyə vəsiqə qazanıb.
“Aznur” isə Çempionlar Liqasının qrup mərhələsində mübarizəni dayandırıb. Rəcəb Fərəczadənin rəhbərlik etdiyi komanda F qrupunda son oyununu Macarıstanın “The Private Rooftop” kollektivinə qarşı keçirib. “Aznur” bu görüşdə 4:0 hesablı qələbə qazanıb. Azərbaycan təmsilçisinin qollarını Elməddin Hüseynzadə (7), Mirkamil Əliyev (11), Mehdi Rəsulov (14) və Pərviz Qaraxanov (33) vurublar. Qeyd edək ki, “Aznur” ilk iki oyununda Polşanın “Sokil” komandasına 0:2, İngiltərənin “Bukovina Badeuti” kollektivinə isə 2:3 hesabı ilə məğlub olub.