
ORXAN MƏMMƏDOV U-23 MİLLİSİNİN ÜZVLƏRİ İLƏ GÖRÜŞDÜ
Azərbaycan Minifutbol Federasiyasının prezidenti Orxan Məmmədov Xorvatiyada keçiriləcək dünya çempionatında iştirak edəcək U-23 millisinin üzvləri ilə görüşüb. Görüşdə çıxış edən qurum rəhbəri gənc komandamızın mundialda iştirakının mühüm olduğunu vurğulayıb. Azərbaycanda minifutbolun sürətlə inkişaf etdiyini bildirən Orxan Məmmədov komandamızın potensialına inandığını və millinin ölkəmizi layiqincə təmsil edəcəyinə ümid etdiyini diqqətə çatdırıb. Federasiya prezidenti yığmamıza uğurlar arzulayaraq futbolçuların ölkəmizə parlaq qələbə ilə dönmələrini arzulayıb. Görüşdə çıxış edən U-23 millisinin baş məşqçisi Rəcəb Fərəczadə göstərilən diqqətə görə federasiya rəhbərinə təşəkkürünü çatdırdı. O, komandanın perspektivli futbolçulardan qurulduğunu və debüt ilində dünya çempionatında uğurlu nəticə göstərmək istədiklərini bildirdi. Görüşün sonunda birlikdə xatirə şəkli çəkdirildi. Xatırladaq ki, 23 yaşadək futbolçuların minifutbol üzrə dünya çempionatı oktyabrın 7-dən 10-na qədər Xorvatiyanın Malıy Loşin şəhərində keçiriləcək. 12 komandanın iştirak etdiyi yarışda millimiz B qrupunda Kolumbiya, Slovakiya və İraq yığmaları ilə birlikdə mübarizə aparacaq. Millinin heyəti ölkə çempionatında fərqlənən gənc futbolçulardan təşkil olunub. Milliyə ən çox futbolçu “Sumqayıt”dan (4) çağırılıb. Gələcəkdə daha iddialı komanda yaratmaq məqsədi ilə yeni mövsümdə hər komandanın heyətində bir nəfər 23 yaşlı futbolçunun olması tələbi qoyulub.







Daha çox
Azərbaycan və Rumıniya Minifutbol Federasiyaları əməkdaşlıq perspektivlərini müzakirə ediblər
Azərbaycan Minifutbol Federasiyasının icraçı vitse-prezidenti Taleh Nəsibov və vitse-prezident Azər Hüseynov Rumıniya Minifutbol Federasiyasının dəvəti ilə Buxarestdə keçirilən ölkə çempionatının...
BAKIDA DÜNYA ÇEMPİONLARININ ŞƏRƏFİNƏ ŞƏHƏR TURU VƏ KONSERT PROQRAMI TƏŞKİL OLUNUB
Azərbaycanın minifutbol millisinin Bakıda keçirilmiş dünya çempionatının qalibi olması münasibətilə Bakıda şəhər turu keçirilib. Şəhər turunda dünya çempionatında mübarizə aparan...
PREZİDENT İLHAM ƏLİYEV MİNİFUTBOL ÜZRƏ DÜNYA ÇEMPİONATININ QALİBİ OLAN AZƏRBAYCAN MİLLİ KOMANDASININ ÜZVLƏRİNİ QƏBUL EDİB
İyunun 2-də Azərbaycan Respublikasının Prezidenti İlham Əliyev Bakıda keçirilmiş minifutbol üzrə dünya çempionatının qalibi olan Azərbaycan milli komandasının üzvlərini qəbul...
ORXAN MƏMMƏDOV: “BU TARİXİ QƏLƏBƏDİR”
Minifutbol üzrə Azərbaycan millisi Bakıda keçirilən dünya çempionatında Macarıstanı 4:2 hesabı ilə məğlub edərək dünya çempionu olub. Matçdan sonra Azərbaycan Minifutbol...
MİLLİMİZİN BAŞ MƏŞQÇİSİ: “ÇOX GÖZƏL QƏLƏBƏ OLDU”
"Bütün xalqımızı təbrik edirik. Çox gözəl qələbə oldu". Bunu minifutbol üzrə dünya çempionluğunu qazanan Azərbaycanın millisinin baş məşqçisi Elşad Quliyev...